KALIBO, Aklan—Malipayon nga ginbaton it mga masuwerte nga tagdaog it Swerte sa Palengke 2023, balde-baldeng pa-premyo na may cash pa ro andang nadag-an nga premyo sa 5th weekly draw it nasambit nga promo it Bombo Radyo ag Star FM, makaron nga adlaw it Lunes pinaagi sa sangka simpling awarding ceremony.
Nag-uli it andang natungdan nga cash prize ro mga nagdaog sa studio winners nga sanday Jose Rady Sitjar it Brgy. Naile, Ibajay bilang 1st prize nga nagbaton it cash prize nga 5,000 pesos gamit ro proof of purchase nga efficascent oil; 2nd prize winner si Marilyn talunay it Brgy. Libang, Makato nga nagbaton it 4,000 pesos nga cash gamit ro proof of purchase nga knorr broth cubes ag 3rd prize si Lilibeth Andrade it Brgy. Nalook, Kalibo nga naggamit it proof of purchase nga orocan nga nagbaton it P3,000 pesos nga cash.
Samtang, ro mga consolation prize winners nga nagbaton it tig-1,000 pesos nga cash prize hay sanday Maria Fe Morales it Brgy. Jugas, New Washington nga may proof of purchase nga silver swan; Rosemarie Mationg it Poblacion, Altavas nga naggamit it proof of purchase nga efficascent oil ag Thelma Obligacion it Aliputos, Numancia nga may proof of purchase nga knorr broth cubes.
Sa mga promo participants, magpadayon eang sa pagpasakop bangud malay ninyo, kamo eon ro masunod nga magadaog sa Week 6 it Swerte sa Palengke promo 2023 it Bombo Radyo ag Star FM kun sa siin sa grand draw hay daeagkuan pa guid nga mga cash prizes ro igapanupod ag may special prize nga electric scooter.
