KALIBO, Aklan—Waeo ka mga indibidwal ro natigayon nga naaprehend kasunod it illegal nga pagpangisda sa baybayon nga sakop it banwa it Tangalan.
Nagapangatubang sa pag-eabag sa Municipal Ordinance 2003-87 ukon Municipal Fishery Code of Tangalan sanday Jobert Gularte, 35-anyos; Nelson Carillo, 20-anyos; Jayson Carillo, 30-anyos; Adrian Guarte, 20-anyos; Jovie Guarte, 21-anyos; Christian Patron, 21-anyos ag daywang ka mga binatilyo nga naga edad 14 ag 16-anyos ag parehong residente it Brgy. Camanci Norte, Numancia.
Ginapabutyag nga uwa ro mga raya it ginapakita nga permit rason nga gin-aprehend it bantay dagat.
Base pa sa report, uwa man sanda ginabawaean nga magpangisda sa nasambit nga baybayon apang kinahang-ean ro mga raya nga magpakita it permiso.
Sa pihak nga parte, gin-imponeran ro mga raya it citation ticket kon sa siin madinaeag-on man nga nakabayad ro mga raya it 2,500 pesos kada tawo.
