Naga-abot sa 858 nga loose firearms ro boluntaryo nga ginsurrender sa nagkaeain-eain nga istasyon it kapulisan sa Western Visayas sa sueod it masobra sa daywang buean umpisa Mayo 15 hasta Hulyo 31, 2026.
Suno sa datos it Police Regional Office 6 (PRO-6), nagpanguna ro Iloilo Police Provincial Office (IPPO) sa may pinakamaabu nga armas nga ginsurender nga naga-abot sa 410.
Ginsundan raya it Antique Police Provincial Office (APPO) nga may 129 nga armas; Aklan, 97; Capiz PPO, 95; Iloilo City Police Office (ICPO), 59; Regional Mobile Force Battalion-6, 57; ag Guimaras PPO, 11.
Suno kay PRO-6 Director PBGen. Randulf Tuaño, kaparte raya it mas ginpabaskog nga kampanya it kapulisan kontra sa loose firearms agud mapunggan ro paggamit kara sa mga krimen ag mapabakod ro seguridad sa rehiyon.
