KALIBO, Aklan — Posibleng ipatawag it Sangguniang Panlalawigan ro kontrobersiyal nga si Provincial Jail Warden ex-Col. Pedrito Escarilla tuga it magkasunod nga pagka-eskapo it mga inmates it Aklan Rehabilitation Center ukon ARC.
Suno kay 1st district board member Nemesio Neron , chairman it Committee on Peace and Order nga paga-istoryahon anay nana si Escarilla agud nga masayuran ro matuod-tuod nga natabu ag kon ham-an nga matsa nagapatigayon imaw it news blackout.
Dapat man sigon nga mataw-an it “benefit of the doubt” si Escarilla.
Nagapati man si Neron nga ro sangka public official hay kinahangean nga ipatuman ro transparency sa tanan nga oras ag haum nga mabatikos.
Nasayuran nga matapos nga madakpan ko Sabado ro puganteng si JR Ruiz nga haeos sang domingo man nga nakahilway, sambilog pang inmate ro naka-eskapo sa alima it anang daywang jailguard escorts sa Batangas port samtang nagapabalik eon sa Aklan matapos nga magtambong sa court hearing sa Manila ko Martes.
Ro puganteng si Igmedio Tropa it Brgy. Agbalogo, Makato hay may kasong double murder.
