KALIBO, Aklan — Nagapadayon ro drug-bust operation it Philippine Drug Enforcement Agency (PDEA) region 6 sa bilog nga rehiyon agud nga daeayong malimpyuhan raya sa nagkaeain-eain nga klase it droga.
Raya hay suno kay PDEA Acting Spokesperson Shey Tanaleon sa interview it Bombo Radyo.
Suno kana, uwa naga-untat ro mga operatiba sa pag-eagas sa mga identified drug personalities agud nga maaresto ro mga raya.
Aminado imaw nga sakit sa ueo it gobyerno ag mga awtoridad ro mga tawo nga nagaintra sa illegal nga droga rason nga sigidas ro andang monitoring ag pagberepika sa mga intel reports agud nga madakpan eon ro mga raya it pulisya.
Samtang, ginkumpirma ni Tanaleon nga una eon sa 87 porsyentong officially drug cleared ro probinsya it Aklan.
May kaangtanan kara, ana man nga gin-engganyo ro publiko nga maging mapagmatyag sa andang palibot ag gilayon nga ireport sa mga otoridad kon may makadueodang tawo ukon nagakatabo sa andang komunidad.
