KALIBO, Aklan — Nagapadayun ro monitoring it kapulisan sa mga eskwelahan nga kaeabanan nga ginagamit sa pagbaligya it illegal nga droga.
Suno kay P/Major Frenzy Andrade, hepe it Provincial Drug Enforcement Unit ukon PDEU nga target kara ro mga estudyante, kun sa siin , sa una hay ginataw-an anay it libre ag kon medyu ma-hook eon ukon ma-anad hay pagabaligyaan dayun.
Raya suno kana ro mga rason kon ham-an nga may mga estudyante nga nagiging pusher sa ulihi agud nga magastusan ro andang bisyo.
Naga-umpisa sigon sa marijuana ro bisyo hasta nga sa ulihi hay paga-testingan man ro shabu.
Sa makaron sigon hay may sangka eskwelahan sa Aklan nga haum nga ipaidaeum sa drug test ro andang mga estudyante .
Raya hay nagapakita eamang suno kana nga nakikipagbueuligan ro mga eskwelahan sa pagpabaskog it andang anti-drug education.
