KALIBO, Aklan—Gindumdum it batikang abogado sa Aklan ro ika-159 nga anibersaryo it kaadlawan it pambansang bayani nga si Dr. Jose P. Rizal.
Si Dr. Rizal hay natawo ko June 19, 1861 sa Calamba, Laguna.
Suno kay Atty. Plaridel Morania nga pinaagi sa anang kaaeam, nagsueat imaw it mga nobela para mabugtaw ro mga Pilipino sa ginahimo nga pagpanakop it mga dumueuong katon eabi eon it mga espanyol.
Ro mga nobelang anang ginsueat hay Noli Me Tangere ag El Filibusterismo nga naging rason kon ham-an nga nagtuhaw ro himagsikan.
Ko tiempo it pagsakop it mga Kastila hay sambilog imaw sa mga nagsueong nga makaangkon it pagbag-o sa nassyon agud nga maging hilway ro mga Pilipino.
Gindugang pa ni Atty. Morania nga hasta sa makaron hay ginadumdum ro anang kabaganihan nga nagbuwis it kabuhi agud nga maangkon naton ro kahilwayan.
