-- ADVERTISEMENT --
KALIBO, Aklan—Ginklaro it Civil Aviation Authority of the Philippines ukon CAAP-Aklan nga owa sa gihapon it commercial flights sa Kalibo International Airport.
Suno kay CAAP-Aklan manager Engr. Eusebio Monserate Jr. nga raya hay bilang pagsunod sa ginapatuman nga polisiya it Inter-agency Task Force on Emerging and Infectious Disease ag it Provincial Government.
Ginapahayag dugang nga ro nagahugpa eamang makarun hay military flights ag cargo flights.
-- ADVERTISEMENT --
Samtang bilang pagsunod sa panibag-o nga mandato, magapatuman it “no face shield, no entry policy” sa paeuparan.
Ro tanan nga may transaksyon sa sueod hay kinahang-ean magsuksok it face mask ag face shield.
