Kalibo Aklan ——-Ginagamit eon ro condom ko unang paniempo.
Kat magpanaeasa ro syphilis ko 1564, nag imbento ro Italian anatomist nga si Gabriele Fallopios it sangka supot nga tela para maprotektahan ro mga kaeaeakin-an sa makataeapon nga sakit .
Naging epidemya ro syphilis ag gintawag nga Black Death.
Sa pihak kara, maskin nga eapnaag ro sakit, maabu sa gihapon nga mahilig sa sex ro padayun nga nakikipaghieawas sa mga babaying infected.
Sangka masyadong manipis nga tela ro ginbabad ni Fallopios sa kemikal ag ginpamaea.
Pagkatapos hay ginhimo nga supot nga korteng kinatawo it eaeaki.
Agud nga maging ma-appeal sa mga kababayin-an , ginbutangan raya ni Fallopios it pink nga higot.
Ginhigot ro supot sa pinaka-puno it kinatawo.
Kat testingin ni Fallopios ro supot sa 1,100 volunteers, owa it maskin sambilog kanda ro nagkasakit it syphilis.
Madinaeag-on ro imbensiyon ni Fallopios.
Bilang pasidungog kana, ginpangaean kana ro reproductive organ nga Fallopian tube.
Namatay si Fallopios ko Oktubre 9, 1562 nga owa nataw-an it pangaean ro na-imbentong supot.
Ro kataga nga condom hay nauso eamang ko second half it 17th century.
Ro hari it England nga si Charles II hay nahadlok nga matapnan it syphilis rason nga gintawag nana ro anang physician, ro Earl of Condom, agud nga maghimo it pamaagi angot kara.
Maabung babaye si King Charles rason nga gusto nana nga may proteksiyon.
Nag obra it supot nga korteng kinatawo it eaeaki ro physician ag ginbutangan it pampadanlog .
Ro supot hay himo sa tina i it karnero.
Ginpamaea ro tina-i ag ginbabad sa oil.
Owa it naksayod kon gintuead eamang it Earl of Condom ro imbensiyon ni Fallopius.
Apang umpisa kato hay naging popular eon ro supot ag gintawag raya nga condom.
