Kalibo Aklan———Aminado ro Food and Drug Administration (FDA) nga posibleng mapadasig it emergency use authorization (EUA) ro proseso it aplikasyon it sangka COVID-19 vaccine nga target isueod sa Pilipinas.
Pahayag raya it ahensya matapos gin-anunsyo it kompanyang Pfizer sa Amerika nga mag-apply eon sanda it EUA sa andang gobyerno.
Sa idaeom it FDA Act of 2009, uwa it mandato ro ahesya nga magpaguwa it EUA sa mga bueong ukon bakuna maskin nga una sa tunga it pandemya ro nasyon rason nga ginahirit nanda kaibahan ro DOH nga magpaguwa si Pangueong Rodrigo Duterte it Executive Order para sa EUA it COVID-19 vaccines.
Suno sa Malacanang, aprubado eon “in principle” ni Duterte ro EO para sa EUA it COVID-19 vaccines.
Ginklaro ni Usec. Domingo nga maskin mataw-an it EUA ro sangka bakuna hay kinahang-ean gihapon raya nga mag-agi sa regulatory process para magamit it mas mabahoe nga populasyon.
Pila sa mga bakunang may aplikasyon it clinical trial sa Pilipinas hay may EUA sa tagsa-tagsa nanda ka nasyon kaparehas it bakuna it Sinovac ag Sinopharm sa China; ag Gamaleya Research Institute it Russia.
