-- ADVERTISEMENT --
KALIBO, Aklan—Matapos nga anuron ag maeumos sa suba, owa eon it kabuhi nga nasapwan ro sangka 47 anyos nga mangunguma sa Sitio Mamaea, Brgy. Medina, Madalag kahapon it agahon.
Nakilaea ro biktima nga si Raul Balbino, may asawa ag residente it Sitio Eakawon sa nasambit nga barangay.
Suno kay P/staff sgt. Edmund Olid, imbestigador it Madalag Police Station nga ko nagtaliwan nga miyerkules nga adlaw, Enero 20 sa kasagsagan it mabaskog nga uean ag pagtaas it tubi-baha, nakita ro biktima nga nagatabok it suba bandang alas 4 it hapon agud nga tan-awon ro anang alagang baka.
Apang, gulpi raya nga inanud ag owa eon nakabutwa, kun sa siin ro ginasakyan eon lang kara nga butong ro nag-eutaw.
