KALIBO, Aklan—Nasapwan nga uwa eon it kabuhi ro sangka ginang matapos nga magpakamatay sa banwa it Ibajay.
Suno kay PSSgt. Jimmy Alcayde it Ibajay PNP, ro biktima hay sangka 33-anyos nga ginang kon sa siin mismo nga anang onga kara nga onse anyos ro nakakita kana nga nagabitay sa trusses it andang panimaeay sa ikaywang grado.
Nakarekober man sigon it suicide note kon sa siin nakabaehag kara ro anang pagpangayo it pasaylo ag dikara man nasayuran nga bangud sa waea-tu-o nga utang kon ham-an it nahimo it ginang nga bawion mismo ro anang hueam nga kinabuhi.
Kumbinsido man ro pamilya nga uwa it foul play sa nasambit nga insidente.
Sa pihak kara, pauman-uman nga ginapadumdom it mga awtoridad sa publiko nga kon may ginabatyag nga inde makatukan hay magdangop sa mga natungdan nga tawo nga makabulig sa andang problema partikular sa andang pamilya para inde eon maisipan ro kaparehas kara nga insidente.
