-- ADVERTISEMENT --
KALIBO, Aklan—Nagapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro sangka eaeaki matapos nga maaresto sa ginpatigayong drug buy-bust operation sa Sitio Bantud, Brgy. Manoc-manoc, Boracay.
Ginkilaea ro suspek nga si Raffy Dalisay, 37-anyos, tubong Roxas, Oriental Mindoro ag naga-istar makaron sa Sitio Angol Manocmanoc, Boracay.
Narekober kay Dalisay ro sangka plastic sachet it marijuana kabaylo it 500 pesos nga buybust money.
Suno sa Malay PNP, dag-on 2011 kat nakulong ro suspek bangud man sa illegal nga droga ag nakahilway ko 2018 eamang.
Sa makaron si Dalisay hay eon sa paghinakop it Malay PNP para sa nagakaigong disposisyon.
-- ADVERTISEMENT --
