KALIBO, Aklan—Ninahan nga gindaea sa sangka pribadong ospital iya sa banwa it Kalibo ro tatlong ka mga indibidwal matapos nga maaksidente sa Brgy. Bagto, Lezo.
Ginkilaea ro mga biktimang sanday Kien Igup, 22-anyos, residente it Brgy. Manhanip ag Meyra Leine Igual, 49-anyos it Brgy. Poblacion, Malinao.
Base sa inisyal nga imbestigasyon it Lezo PNP, sakay ro daywa sa tricycle nga ginamaneho it ama ni Kien nga si Merlito Igup kat aksidente nga masunggaban it pick-up nga ginamaneho ni Roque Bulao, 53-anyos ag resiente it Panay, Capiz.
Bangud sa mabaskog nga impact it pagkabangga, nahueog ro daywa sa tricycle nga gintunaan it andang pag-angkon it lastro sa eawas nga insigida man nga nadaea sa ospital kon sa siin sanda sa makaron naka-confine para sa andang nagakaigong pagbueong.
Nasayuran nga madasig ro pagmaneho ni Bulao rason nga nasapol gihapon nana ro behikulo sa pihak it pagtinguha nga malikawan raya.
Samtang, nagkasugot eon ro magtimbang nga parte matapos nga nagpromisa si Bulao nga magabulig sa pinansyal nga gastuson sa ospital it daywang ka mga biktima.
