KALIBO, Aklan—Dead on the spot ro sangka eaeaki matapos nga gin-eabo sa leog it ana mismo nga gumankon sa Brgy. Tondog, Tangalan bandang alas-8:00 it agahon.
Ginkilaea it Tangalan PNP ro biktimang si Melchor Tapispisan, sa legal nga edad samtang ro ginaturo nga suspek hay mismong gumankon kara nga si James Benigno, 43-anyos ag parehong residente it nasambit nga lugar.
Base sa inisyal nga imbestigasyon it pulisya, may nagpatunga nga mainitang diskusyon sa magtimbang nga parte rason nga natabo ro insidente.
Dati eon man sigon nga may banggianay ro daywa rason nga naungkat raya kahapon sa anda nga diskusyon.
Ginpahayag dugang nga gin-unahan imaw it hana nga pag-eabo it anang tiyo rason nga insigida man imaw nga naggabot it talibong ag gin-eantas ro leog it biktima.
Owa eon sigon nadaea sa ospital si Tapispisan samtang si Benigno hay insigidang nagpaeagyo matapos ro insidente.
Apang, gilayon man nga boluntaryong nagsurender sa Altavas Police Station ag ginbalik sa Tangalan PNP para sa nagakaigong disposisyon.
