KALIBO, Aklan—Humampak eon sa 613 ro kabilugan nga kaso it Coronavirus Disease 2019 ukon COVID-19 sa probinsya it Aklan.
Raya hay matapos nga madugangan it sambilog nga panibag-ong kaso kahapon nga adlaw it Dominggo, Enero 31.
Kaangot kara, nakalista man it tatlong naka-recover rason nga sumaka eon sa 532 ro total recoveries.
Samtang, kapin sa 60 pa ro aktibong kaso it sakit sa probinsya kung siin 59 kara ro naka-facility quarantined ag sambilog ro admitted sa Aklan Provincial Hospital.
Ro death toll hay nagapabilin nga 21.
Sa pihak kara, padayun sa gihapon ro pagpadumdom it mga health authorities sa publiko nga sundon ro minimum health protocols agud makalikaw sa deadly virus.
Kamana man ro pag-engganyo nga magpabilin sa sueod it baeay kung owa man it importanteng transaksyon.
