KALIBO, Aklan—Arestado ro sangka 51-anyos nga eaeaki nga wanted sa kasong child abuse matapos ro ginpatigayon nga operasyon bandang alas-6:30 kabi-i sa Brgy. Toledo, Nabas.
Nakilaea ro akusado nga si Edgar Flores, residente it nasambit nga lugar nga may warrant of arrest sa kasong child abuse.
Ro warrant of arrest hay gin-isyu ni Judge Bienvenido P. Barrios Jr., RTC kalibo aklan Branch 3 nga may petsang Enero 29, 2021.
Ginkasa ro operasyon kontra kay flores matapos nga mapan-uhan ro anang presensiya sa anang baeay.
Owa eon nagsukoe pa ro akusado ag maayos nga nagsunod sa mga otoridad.
Matapos ro physical and medical examination sa Aklan Provincial Hospital hay ginkulong sa nabas pnp ro akusado
Kapin sa 180,000 pesos ro ginrekomendang piyansa it korte para sa anang temporaryong kahilwayan.
