-- ADVERTISEMENT --
KALIBO, Aklan—Nagapadayun ro manhut ag follow up operation it Nabas PNP sa suspek nga nagbaril-patay sa sangka eaeaki bandang 8:25 kabi-e sa Brgy. Buenasuerte, Nabas.
Ginkilaea ni Police Executive Mater Sergeant Rowen Cipriano it Nabas PNP ro biktima kay Roland Geronimo samtang ro suspek hay ginkilaeang si Jessie Trosedel, parehong sa legal nga edad ag residente man it nasambit nga lugar.
Base sa report, una sa impluwensya it aeak ro biktima maghalin sa Brgy. Nagustan sa nasambit man nga banwa kat ginsita sigon raya it suspek hasta nga ko ulihi hay nakaangkon it mainitan nga diskusyon sa tunga it magtimbang nga parte.
Si Geronimo hay nakaangkon it fatal nga tama it baril sa abaga nga gintunaan it anang hinali nga kamatayon.
