KALIBO, Aklan—Ginatantiya nga 2,600 nga mga pulis sa bilog nga western visayas ro magabantay sa pag-abot it bakuna kontra sa covid 19.
Ginpahayag ni Lt. Col. Joem Malong, tagapaghambae it Police Regional Office ukon PRO 6 nga may una nga 2,678 nga kapulisan ro gintaeana agud nga mag-escort sa mga maga-abot nga bakuna halin sa pick-up points paagto sa vaccination centers.
Ko buean pa suno kana it enero hay planchado eon ro andang mga plano ag nagahueat eon lang it nagakaigo nga koordinasyon.
Kapin sa 907 nga pulis ro gin-assign sa mga vaccination centers, 756 ro magabantay sa pag-transport it bakuna, 386 ro reserve force ag 629 ro kaparte it Quick Reaction Teams.
Gindugang pa ni Malong nga magiging kabulig it PNP ro Philippine Army sa pag-biyahe it mga bakuna partikular ro paagto sa mga maeayo nga lugar.
Naka-alerto man sigon sanda sa posibleng pagsabote it mga katapo it communist party of the Philippines new people’s army ukon CPP-NPA sa rehiyon sa nasambit nga aktibidad.
