-- ADVERTISEMENT --
KALIBO, Aklan—Sangka wanted person ro boluntaryong nagsurrender sa pulisya sa Brgy. Linabuan Norte, Kalibo.
Ro akusado hay sangka 17-anyos nga eaeaki, residente it Brgy. Agbalogo, Makato kon sa siin may warrant of arrest sa kasong murder nga ginpaguwa ag ginpirmahan ni Hon.Judge Joeril R .Delmoro it Regional Trial Court ukon RTC 6 Branch 2.
Ro nasambit nga akusado hay sambilog sigon sa limang gintumod nga suspek nga imbolbado sa kasong pag patay kay Ariston Ortis it nasabit nga lugar ko buean it Hunyo ko nagtaliwan nga dag-on.
Apang, ro nasambit nga akusasyon hay ginpamalibaran it nasambit nga suspek.
Imaw hay ginturn-over anay sa Youth Center ag uwa it pyansang gintaeana ro korte para sa anang temporaryong kahilwayan.
-- ADVERTISEMENT --
