KALIBO, Aklan—Nagapangatubang sa kasong pag-eabag sa Presidential Decree 449 ukon Illegal Cockfighting Law ro daywang ka mga kaeaeakin-an matapos nga madakpan sa illegal nga pabueo-bueo sa Brgy. Rosario, Malinao.
Ginkilaea it Malinao PNP ro mga suspek nga sanday Jury Icidenia, 28-anyos it Brgy. Malandayon ag Niño James Opeña, 25-anyos it Brgy. Rosario, Malinao.
Ro daywa hay nadakpan nga nagapabueo-bueo kon sa siin narekober sa andang posisyon ag kontrol ro ap-at ka mga manok pambueang nga ginaeakipan it daywang ka buhi ag daywang ka patay.
Mag-eowas kara, narekober man kanda ro mga nagkaeain-eain nga kagamitan nga ginagamit sa pangbueang ag P200 pesos nga kwarta bilang taya.
Ro daywa hay presenteng nakakulong sa Malinao Police Station para sa nagakaigong disposisyon.
