KALIBO, Aklan—Natumod eon it Makato PNP ro responsable sa pag-eabo sa sangka 63-anyos nga eaeaki bandang alas-10:00 ko Sabado it gabi-i sa Brgy. Alibagon, Makato.
Raya hay matapos nga nagsurender kay Police Col. Ramir Perlito Perlas, police director it Aklan Police Provincial Office (APPO) ro suspek nga si Altier Tando Estillro, 20-anyos ag residente it Brgy. Baybay sa nasambit nga banwa.
Madumduman nga gin-eabo it makapilang beses ro biktimang si Napoleon Fulgencio, 62-anyos ag residente it nasambit nga lugar.
Base sa imbestigasyon it pulisya, gapauli ro biktima kaibahan ro anang amigo sakay it motorsiklo halin sa baybay kat pag-abot sa plaza it Alibagon hay gintambangan sanda it nasambit nga suspek.
Si Fulgencio hay nakaangkon it lastro sa nagkaeain-eain nga parte it eawas nga insigida man nga nadaea sa nasambit nga ospital para sa nagakaigong medikasyon.
Sa makaron ro nasambit nga suspek hay una sa kustudiya it Makato PNP ag nagapangatubang sa kasong frustrated homicide.
