-- ADVERTISEMENT --
Kalibo Aklan——-Sa paghinakop eon it pulisya ro sangkwa wanted person sa kasong carnapping kasunod it pagkaaresto kara sa Brgy. Poblacion, Makato.
Ginkilaea ro akusado nga si Alvin Piano, 28-anyos, sangka laborer ag residente it Brgy. Calimbajan sa nasambit nga banwa apang presenteng naga-istar sa Brgy. Badio, Numancia.
Si Piano hay gin-aresto pinaagi sa gahum it warrant of arrest sa kasong pag-eabag sa Republic Act 10883 ukon New Anti-Carnapping Act of 2016 nga may Criminal Case No. 15723 nga ginpirmahan ag ginpaguwa ni Hon. Jemena Abellar Arbis, Presiding Judge, Regional Trial Court 6, Branch 6, nga may petsang February 24, 2021.
Kapin sa P200,000 ro ginrekomendang pyansa it korte para sa temporaryong kahilwayan it nasambit nga akusado.
