KALIBO, Aklan–Nakalista it kauna-unahang kaso it Coronavirus Disease ukon COVID-19 sa mga tawuhan it Philippine National Police (PNP) sa probinsya it Aklan.
Suno kay P/Maj Willian Aguirre it Aklan Police Provincial Office ukon APPO nga raya hay sangka pulis ag naka-assign sa New Washington Municipal Police Station.
Sa makarun hay nakataeana raya nga igapaidaeum sa swab testing.
Bilang una sa frontine ro mga katapo it kapulisan hay raya man ro ginapana-aw ni P/Maj Aguirre nga rason agud nga matapnan raya it makamaeatay nga virus.
Samtang sa pihak nga parte, ginpahayag man ni P/Maj. Willian Aguirre, it Aklan Police Provincial Office ukon APPO nga nakaalerto sanda makarun agud hugot nga mabantayan ro pagpatigayon it illegal nga pagbueo-bueo sa probinsya.
Raya sa pihak pa it nagahieapit pa nga selebrasyon it Semana Santa.
