4 ka mga indibidwal arestado matapos nga madakpan nga illegal nga nagabueang sa Brgy. Pusiw, Numancia

KALIBO, Aklan—Posibleng magapangatubang sa kasong pag-eabag sa illegal cockfighting law ro ap-at ka mga indibidwal matapos nga maaresto sa illegal nga bueang sa Brgy. Pusiw, Numancia.

Ginkilaea ro ap-at nga sanday Jay-vee Villasin, 18-anyos; Blady Rotano, 42-anyos; Franklin Rose, 46-anyos; ag Carlos Suguilon, 53-anyos ag tanan hay mga residente it nasambit nga lugar.

Narekober sa mga raya ro daywang pambueang nga manok nga may nakatakod pa nga bueang ag kapin sa P1,000 pesos nga ginamit bilang taya.

Ro ap-at hay temporaryo makaron nga nakakulong sa Numancia Police Station para sa nagakaigong disposisyon.