Sangka wanted person madinaeag-on nga naaresto it mga otoridad sa Brgy. Dapdap, Tangalan

KALIBO, Aklan—Madinaeag-on man nga naaresto it mga otoridad ro sangka wanted person sa Brgy. Dapdap, Tangalan.

Ginkilaea ro akusado nga si Jaylord Nudgara, 21-anyos, sangka laborer ag residente it nasambit nga lugar.

Si Nudgara hay may warrant of arrest sa kasong theft nga ginpaguwa nu Joan Marie Vargas-Betita, presiding judge it 3^rd MCTC, Malinao nga may petsang April 5, 2021.

Kapin man sa P10,000 pesos ro gintaeana nga pyansa it korte para sa temporaryong kahilwayan it nasambit nga akusado nga una eon makaron sa paghinakop it pulisya para sa nagakaigong disposisyon.