KALIBO, Aklan—Maskin nga naturukan eon it bakuna kontra sa covid 19, obligado sa gihapon ro mga gustong magbakasyon sa isla it Boracay nga magpakita it negatibong RT-PCR tests bilang pruweba nga owa sanda naga angkon it deadly virus.
Suno kay Malay acting mayor Frolibar Bautista nga kinahangean sa gihapon nga makapakita it andang Covid-19 test results halin sa mga lisensiyadong mga laboratoryo ro mga turista 72 oras antes ro andang flight paagto sa isla.
Gindugang pa kara nga ginatun-an pa makaron it Municipal Inter-Agency Task Force ag Boracay Inter-Agency Task Force ro ginahinyu nga i-konsidera ro vaccination certificate bilang pre-entry requirement sa isla.
Mag-eowas kara, gina-usuyan man ro mga bisita it online health declaration card agud nga makabo-oe it quick response (QR) code kamana man ro confirmed hotel booking ag anuman nga valid government identification cards sa andang pag-abot sa Caticlan jetty port.
Ginpadumdum pa ni Mayor Bautista nga maskin nga bakunado eon hay dapat sa gihapon nga ugalion it mga turista ro pirmeng paghugas ukon pag disinfect it alima, pagsuksok it face masks ag face shield, pag likaw sa maabong tawo ag social distancing agud nga maprotektahan ro kaugalingon sa makamaeatay nga sakit.
