KALIBO, Aklan—Napasa-alima eon it mga otoridad ro sangka eaeaking caretaker it sangka establiyemento sa isla it Boracay matapos nga madakpan it pilang ka mga armas sa Sitio Hagdan, Bgy. Yapak sa nasambit nga isla.
Base sa report, narekober sa suspek nga si Donato Naris, sa legal nga edad, residente it nasambit nga lugar ro sangka Colt Caliber 45 nga baril nga may magazine ag live amumunition kamana man ro sambilog pang reserbang magazine ag M26 hand grenade.
Nabuoe ro mga nasambit nga armas sa sling bag sa sueod it kwartong gina-tiniran it suspek.
Nauna kara, maabo eon nga mga nabaton nga impormasyon ro mga otoridad kontra sa suspek bangud sa masami kara nga pagdaea it baril.
Si Naris hay presenteng nakakulong sa natungdan nga taeatapan it pulisya ag magapangatubang sa kasong pag-eabag sa Republic Act 10591 ukon Comprehensive Firearms and Ammunition Regulation Act ag Republic Act 9516 ukon Illegal Possession of Explosives.
