-- ADVERTISEMENT --
KALIBO, Aklan—Kapin sa 20 ka mga kahon it undocumented processed meat products halin sa Luzon ro nakumpiska it mga tawuhan it Office of the Provincial Veterinarian (OPVET)-Aklan sa Caticlan Jetty Port sa banwa it Malay.
Base sa report, naga-abot sa 500 kilos ro timbang it natungdan nga meat products kun sa siin naga-balor raya it kapin sa P300,000.
Bangud kara, insigidang gindaea sa stock farm nga nahamtang Brgy. Tina, Makato ro mga nakumpiskang karne ag gin-sunog.
Madumduman nga hugot nga ginabawae ro pagsueod sa probinsya it mga karne halin sa African Swine Fever ukon ASF affected areas.
Raya hay para malikawan ro pagkalhit it virus nga daea it ASF ag pagsueod sa merkado it mga kontaminadong produkto.
-- ADVERTISEMENT --
