KALIBO, Aklan—Sangka rider it motorsiklo ro natigayon nga nadisgrasya kasunod it pagpaeagas kara sa pulisya nga nagapatigayon it checkpoint sa national highway nga sakop it Brgy. Tigayon, Kalibo.
Ginkilaea ro driver nga si Rex Dela Rosa, 27-anyos ag residente it Brgy. Venturanza, Banga.
base sa report, ginpara it mga otoridd si Dela Rosa apang imbes nga magpondo hay ginpaharorot pa kara ro anang motorsiklo paadto sa banwa it Kalibo rason nga gin-eagas raya it pulisya.
Pag-abot sigon sa unahan hay naaksidente si Dela Rosa rason nga naaprehend raya it mga kapulisan.
Naobserbahan nga una sa idaeom ko impluwensya it aeak si Dela Rosa ag nagpamalibad eon man nga magpa-confine sa ospital matapos nga gin-eapatan it paunang medikasyon.
Sa makaron ro nasambit nga motorcycle rider hay temporaryong ginkustudiya sa Kalibo Police Station para sa nagakaigong disposisyon.
