KALIBO, Aklan—Naga-abot sa 256 nga mga body cameras nga ginbakae it national headquarters ro nag-abot eon sa bilog nga Western Visayas.
Suno kay PLTCOL Joem Malong, tagapaghambae it Police Regional Office 6 nga ro nasambit nga mga body cameras hay owa nag agi sa regional office kundi nga gindirekta sa tagsa ka mga city police stations.
Sa makaron sigon hay indi pa magamit ro nasambit nga mga bodycam bangud nga ginahueat pa nanda ro implementing rules and regulations.
Mag-eowas kara, igapaidaeum pa sa training ro mga kapulisan angot sa paggamit ag maintenance it nasambit nga mga camera antes ro paggamit.
Owa sigon imaw it ideya kon na-isyuhan kara ro kalibo police stations.
Bangud nga ro mga items suno kana hay direkta nga gindeliver it suppliers sa natungdan nga police stations nga recipient kara , ginpahayag ni malong nga owa sanda it idea kon pila nga body cameras ro nabaton it kada estasyon.
Tuyo suno kana it PNP sa pagbakae it mga body camera hay agud nga makaangkon it transparency sa mga police operations ag matumod kon nakahimo it lapses ro kapulisan.
