KALIBO, Aklan—Arestado ko martes it hapon sa antipolo city ro eaeaking ginakabig nga top 18 most wanted sa Aklan bangud sa kasong murder.
Ginposasan ag ginbasahan it anang kinamatarung si Bobby Masula, 27-anyos, sangka construction worker kat arestuhon it mga otoridad sa anang presenteng gina-istaran sa Sitio Tanza 1 Barangay San Jose, Antipolo City, Rizal.
Ro operasyon hay pinaagi sa gahum it warrant of arrest nga gin-isyu ni Hon. Domingo Casiple, Presiding Judge RTC, Branch 8, Kalibo, Aklan nga may petsang Setyembre 6, 2012 para sa kasong murder.
Haeos siyam nga dag-on man nga gin-usoy it mga pulis si Masula, hasta nga na-monitor ro anang presenteng gina-istaran.
Nakataeanang igabiyahe ro akusado sa aklan agud nga i-atubang sa korte nga natungdan
Owa it gintaeana nga piyansa ro korte para sa anang temporaryong kahilwayan.
Madumduman nga ko Disyembre 5, 2011 kat maeakot si Masula sa pagpatay kay Rolando Masula sa Brgy. Castillo, Makato.
