KALIBO, Aklan—Kulong ag nagapangatubang sa reklamong pag-eabag sa PD 1865 ukon Illegal Transport of Petroleum Products ro daywang ka indibidwal matapos nga madakpan nga naga-transport it produktong petrolyo sa Barangay Poblacion sa banwa it Nabas.
Ginkilaea ni PMSgt. Quitong it Nabas PNP ro mga suspek nga sanday Enrique Lapuz Jr., 28-anyos ag Lian Tambagahan, 24-anyos puro mga residente it Brgy. Jinalinan, Pandan, Antique.
Base sa report, nakabaton sanda it impormasyon nga sangka pick-up nga saeakyan nga kargado it mga petroleum products ro maga-agi sa andang area of responsibility.
Bangud kara insigida sanda nga nagtukod it checkpoint ag natigayon nga maaresto ro daywa.
Kapin sa 41 nga mga galon it gasolina ag krudo ro narekober sa andang saeakyan.
