-- ADVERTISEMENT --
KALIBO, Aklan—Arestado ro ap-at ka mga indibidwal matapos nga madakpan nga illegal nga nagapangisda sa baybayon nga sakop it Brgy. Buenasuerte, Nabas.
Base sa Nabas PNP station, ap-at ka mga baroto ro naaprehend nga ginamanehar nanday Jesus A. Torrefiel Jr., 49-anyos it Brgy. Poblacion; Noli C. Villanueva, 34-anyos; Dominador P. Villanueva, 28-anyos; ag Ronel P. Villanueva, 17-anyos it Brgy. Baybay, Makato.
Ro ap-at hay naaktuhan nga nagapangisda sa lugar nga uwa it nagakaigong lisensya ukon permit maghalin sa lokal nga gobyerno it Nabas.
Nabueo sa andang posisyon ag kontrol ro pila ka mga lambat ag isda nga kapin sa 24 kilos.
Ro ap-at hay gin-imponeran it ticket sa pag-eabag sa Municipal Ordinance 2002-05 ukon Fishery Ordinance it Nabas.
-- ADVERTISEMENT --
