KALIBO, Aklan—Padayun ro pagsurender it mga pumueuyu sa andang mga armas sa mas pang ginpabaskog nga kampanya kontra loose fireaems pinaagi sa tokhang kontra armas luthang sa banwa it Malay sa idaeum it “Project Armas Islan Bugas”.
Sangka residente it Brgy. Manoc-Manoc sa isla it Boracay ro nagsurender it anang sangka unit it homemade 12 gauge pistol nga owa it nagakaigo nga serial number ag markings kamana man nga owa man raya it kaibahan nga bala.
Ro operasyon hay ginpangunahan ni P/Lt. maricel guevarra sa idaeum it pagdumaea ni P/Maj. Donnel Regis, Force Commander nga naghambae nga naging madinaeag-on ro andang programa bangud sa pagpatigayon it information dissemination pinaagi sa dayalogo, pulong-pulong ag pagpanupod it mga IEC materials sa mga pumueuyu it Malay.
Ginpasiguro man it mga otoridad nga padayun nga igapatuman ro nasambit nga inisyatibo agud nga mabuligan ro lokal nga gobyerno nga mapabilin ro peace and order sa nasambt nga banwa sa tunga it ginapangatubang nga health crisis tuga it COVID-19.
Ro nasambit nga armas hay gindaea sa Malay Police Station para sa nagakaigo nga documentation ag igaturn-over sa 2nd Aklan PMFC Headquarters para sa safekeeping.
