KALIBO, Aklan—Ninahan nga gindaea sa Aklan provincial hospital ro tatlong ka mga indibidwal matapos nga masagi it motorsiklo ro andang tricycle nga ginasakyan sa national highway nga sakop it Brgy. Man-up, Altavas.
Finkilaea ro mga biktima nga sanday Edgar Cabison, 50-anyos nga imaw ro driver it tricycle kaibahan ro onga kara nga Edu Cabison, 26-anyos ag parehong residente it Nasunugan, Dao, Capiz samtang ro driver it motorsiklo hay sangka 14 anyos nga binatilyo.
Sa inisyal nga imbestigasyon ng Altavas PNP, nasagi it motorsiklo ro waea nga siki it tricycle driver rason nga pareho sandang nawad-an it kontrol sa manibela it tagsa ka mga behikulo nga gintunaan it andang pagsimplang nga nagresulta it pag-angkon it mga raya it tagsa ka lastro sa kaeawasan.
Ro aksidente hay padayon pang ginaimbestigahan it mga otoridad para sa nagakaigong disposisyon.
