KALIBO, Aklan—Sangka naagnas eun nga bangkay ro nasapwan sa Sitio Fatima Hills, Barangay Bulabod, Malinao.
Base sa report it Malinao Municipal Police Station ginkilaea ro biktima nga si Lauro Fernando, 55 anyos ag residente it nasambitan nga lugar.
Ginasugid nga nasapwan eun lang it sangka concerned citizen nga si Jaime Macahilig ro patay nga eawas it biktima kung sa siin hay una eun raya sa “state of decomposition”.
Ginabana-bana man nga haeos ap-at ukon limang adlaw eun nga namatay ro bitkima ag sa makarun hay nagpadayun pa ro imbestigasyon it mga otoridad agud nga matumod kung may natabong foul play sa insidente.
Samtang makarun nga adlaw hay nakateana man nga igapaidaeum sa post mortem examination ro nasambitan nga bangkay para sa dugang nga imbestigasyon ag nagakaigo nga disposisyon.
