KALIBO, Aklan—May bag-o eon nga hepe ro kalibo municipal police station sa pagkatawo ni Police Major Jason Belciña nga dating assistant chief it plans and programs unit it Aklan Provincial Police Office ukon APPO.
Epektibo ko Setyembre 9, 2021 hay gin-terminate eon ro assignment ni P/Lt. Col. Belshazzar Villanoche bilang officer-in-charge it kalibo PNP bangud sa rank requirement kun sa siin kinahangean eon imaw nga ibutang sa posisyon nga nagakabagay sa anang ranggo.
Ginpaathag kara nga uman imaw nga igabalik sa dating posisyon bilang hepe it plans and programs unit it APPO.
Samtang, haeuga man nga ginbaton ni villanoche ro anang pagsaylo it pwesto ag ginbida ro anang mga naging accomplishment sa mapig-od nga tiempo nga pagpungko sa kalibo PNP sa sueod it sang dag-on ag tunga.
Ginpasaeamatan man nana ro suporta it mga personnel it kalibo PNP ag komunidad eabi eon sa pag-atubang sa away sa tunga it naexperiensiyahan nga covid 19 pandemic.
Samtang, posible suno kana nga makaangkon it rigodon sa PNP sa mga buean it disyembre antes ro banning period sa enero angot sa nagahilapit nga eleksyon sa 2022.
