-- ADVERTISEMENT --
KALIBO, Aklan—Gin-isyuhan it citation ticket ro sangka persona matapos nga maaktuhan nga illegal nga nagabaligya it gasolina sa Sitio Ilaya, Barangay, Panayakan sa banwa it Tangalan.
Suno kay Pssgt. John Mijares it Tangalan PNP nga maga-conduct kungta sanda it operasyon kontra illegal nga aktibidad sa nasambitan nga banwa kat maagyan nanda sa pagpatrolya ro suspek ag naaktuhan nga nagahimo it illegal nga aktibidad.
Narekober sa suspek ro waeo ka mga plastic empty container, 3 ka mga owa it sueod nga botelya, sang litro it bote nga puno it gasolina ag 1.5 nga botelya nga puno man it gasolina.
Bangud kara, gin- isyuhan imaw it citation ticket bangud sa pag-eabag sa municipal ordinance ag magabayad it 2,500 pesos nga penalidad.
