-- ADVERTISEMENT --
KALIBO, Aklan—Nagpasa it sangka resolution si Kalibo Sangguniang Bayan member Augusto Tolentino bilang pagpaabot it suporta sa House bill No. 8832 ukon “Income Tax Exemption for Senior Citizens Act”.
Raya hay matapos nga aprubahan it House committee on senior citizen ko nagtaliwan ng buean ro nasambit nga bill nga naga-exempt sa mga may edad sa pagbayad it income taxes.
Sa idaeom it House Bill No. 8832, ro mga may edad 60-anyos pataas nga padayun nga nagatrabaho hay dapat exempted halin sa pagbayad it income tax kung siin sakop kara ro holiday pay, overtime pay, night shift differential ag hazard pay.
Tuyo it proposisyon nga mapataas ro savings it mga senior citizen antes ro andang pagretiro sa serbisyo.
