-- ADVERTISEMENT --
KALIBO, Aklan—Amat-amat eun nga nagapamakae it bueak ro mga pomoeuyo sa banwa it Kalibo kasunod it nagahieapit nga selebrasyon it piyesta minatay.
May kaangtan kara, batyag eun it sangka flower shop owner nga si Evelyn Vasquez ro amat-amat nga pag aeabutan it mga it costumers.
Sa pihak kara, owa man sigon sanda nagdugang gid it maabong stocks it bueak bangud nga limitado sa gihapon ro selebrasyon.
Samtang, gin-engganyo man kara ro publiko nga magpadueong sa sementeryo it mas timprano agud nga magapabilin nga masunod ro health protocol.
Nasayuran nga nauna eun nga ginpahayag it Local Government Unit ukon LGU-Kalibo nga igapasarado ro tanan nga mga pampubliko ag pribadong sementeryo sa banwa umpisa Oktobre 29 hasta Nobyembre 2.
-- ADVERTISEMENT --
