KALIBO, Aklan—Ginklaru ni Office of the Senior Citizens Affairs ukon OSCA-Kalibo head Aurora Ignacio nga owa it natabu nga pagbawas it 210 pesos sa mga senior citizen nga nagbaton it andang 3,000 pesos nga social pension sa banwa it Kalibo.
Suno kana nga posibleng sa ibang munisipyo raya natabu.
Ginpahayag dugang nga kada banwa hay may ginatawag nga federation of barangay senior citizens association nga nagasukot it membership fee nga 100 pesos.
Tuyo sigon kara nga ma-rehistro ro mga indigent nga lolo ag lola agud nga mahuyap sa mga ayuda nga ginatau it gobyerno.
Apang ro pagpa-miyembro hay owa sigon it pieilitan.
Masadya man nga ginbalita pa ni Ignacio nga sa makaron hay ginaduso sa daywang kapueongan it kongreso nga pataasan sa 1,000 pesos ro social pension nga ginabaton it mga indigent nga senior citizens halin sa 500 pesos nga kada buean nga pension nga gina-release kada an-um nga buean nga may kabilugan nga 3,000 pesos.
