KALIBO, Aklan—Naging maayos ro unang dominggo it paglunsar it limited face-to-face classes sa Laserna Integrated School sa banwa it Nabas.
Natapos eon man ro limang adlaw nga pagsueod sa eskwelahan ro Set A it mga estudyante.
Bangud kara, makaangkon sanda it pahuway ag uman nga magabalik sa module para magpadayun ro andang pagtuon sa mga leksyon.
Samtang, umpisa hin-aga Nobyembre 22 maga-umpisa man ro Set B sa pagsueod sa eskwelahan.
Agud nga masiguro ro kaeawasan it mga estudyante nga naga-adto sa eskwelahan, una ro mga manugturo, opisyales it barangay ag MDRRMO-Nabas sa pag-asister kanda.
Nasayuran nga ro Laserna Integrated School eamang ro naga-isaeahanon nga eskwelahan sa bilog nga probinsya it Aklan ro napa-eakip sa 100 ka mga pampublikong eskwelahan sa bilog nga Pilipinas nga ginpasugtan nga magpatigayun it pilot implementation it limited face to face classes nga nag-umpisa ko Nobyembre 15.
