KALIBO, Aklan—May gin-plastar eun nga initial response ro Department of Public Works and Highways ukon DPWH-Aklan sa nasamad nga karsada sa national highway nga sakop it barangay Rizal, Nabas.
Suno kay Engr. Joey Ureta it maintenance section it DPWH-Aklan nga umpisa kat nabatun nanda ro report sa nasamad nga karsada sa nasambitan nga lugar hay gilayon sandang nagbisita agud nga makaplastar it temporaryong solusyon kara.
Sa makarun hay may padayun ro pagtrabaho it mga presonnel it DPWH sa nasambit nga karsada.
Madumduman nga ko nagtaliwan nga adlaw hay owa anay ginapasugtan ro mga mabahoe nga saeakyan nga maka-agi sa nasambit nga karsada matapos nga half lane eamang ro puweding maagyan ag raya hay gintaeana eamang para sa mga light vehicles, motor ag tricycle.
