KALIBO, Aklan—Nagapadayon ro pag-engganyo it gobyerno it Germany sa andang nasakupan nga hasta sa makaron hay uwa gihapon nakapabakuna kontra sa covid-19.
Suno kay Bombo International Correspondent Ma-Ann Lachica-Zacher it Worpswede, Germany nga raya hay kasunod it pag-eapta it bag-ong variant nga omicron it deadly virus nga unang nadiskubrehan sa South Africa ag nagkalhit eon sa mga kaeapit kara nga nasyon.
Ginpahayag dugang ni Zacher nga tuyo eamang it gobyerno nga maproteksyunan ro andang pumueoyo kontra sa massive effect it ginasugid nga makamaeatay ag makataeapon nga variant it deadly virus.
Bangud kara, mas pang ginpabaskog ag ginpaeapad it gobyerno ro andang vaccination programa agud tanan hay makapasakop sa nagapadayon nga bakunahan kontra sa covid-19.
