KALIBO, Aklan–Bangud sa gina-alegar nga problema sa paghigugma ag pamilya, sangka soltero ro nagpakamatay pinaagi sa pagbigti sa kaugalingon sa sangka farm sa Bacan, bukid sa banwa it Banga.
Nakilaea ro namatay nga si Alden dola, 25 anyos, residente it San Enrique, Iloilo apang presenteng naga istar ag nagatrabaho sa sangka piggery sa nasambit nga lugar.
Base sa panaysayon it anang mga katrabaho nga si Vic Anthony Tejeda, nadiskubre nanda ro bangkay it biktima pasado alas-7 kaina it agahon.
Nasayuran nga ap-at sanda nga nagatrabaho sa nasambit nga farm nga puro mga taga Iloilo.
Suno kana nga gin-usoy nanda ro biktima nga naga-isaeahanon eamang nga nagkatueog sa kwarto.
Nagpanuktok sigon sanda apang owa nagasabat.
Sa andang pag-agto sa bintana hay nakita nanda nga nakabitin raya idtu gamit ro haboe.
Maskin nga ginahambae nga problema sa paghigugma ag pamilya ro ugat it anang pagkamatay, apang gina-imbestigahan pa it Banga PNP ro insidente.
