KALIBO, Aklan—Owa nagadungan ro selebrasyon it bag-ong dag-on it mga taga Sri Lanka sa Pilipinas.
Suno kay Bombo International Correspondent Anne Lanka Senevirathna nga kapareho it mga taga Cambodia ag Thailand, ro bag-ong dag-on it Sri Lanka hay ginapatigayon kada Abril 13 ukon 14 ro pagpakita it new moon nga nagasunod sa mga tradisyon ag ritwal it Buddhist.
Raya suno kana ro rason kon ham-an nga masyadong malinong idtu kada enero 1 it tungang gabi-i sa pagsug-aeaw sa new year.
Ginpahayag dugang nga kada New Year’s celebration sa Sri Lanka hay may ginapatigayon man nga mga fireworks display ukon nagapaeupok , nagabaeayluhan it mga regalo ag kamana man ro pagbutang it mga paiwag ag ro tradisyunal nga paglimpyo it baeay ag pagsindi it oil lamp.
Sa oras nga matapos ro mga importanteng ritwal, naga-umpisa ro pagkinasadya sa mga kalye, hungod nga ginabuksan ro mga baeay ag ginapasugtan nga maghampang ro mga unga.
Suno pa kay anne nga eubus nga mabatyagan ro selebrasyon sa siyudad bangud sa presensiya it mga foreigner.
Public holiday sigon ro new year sa nasambit nga nasyon.
