KALIBO, Aklan–Ginmanduan ni P/Col. Crisaleo Tolentino, provincial director it Aklan Police Provincial Office ukon APPO ro mga nagkaeain-eain nga municipal police stations nga magpatigayon it information drive agud nga mapaandaman ro publiko nga magdahan kontra sa peke nga kwarta.
Suno kana nga may pilang indibidwal nga nagapamentaha sa mga makarondaya nga sitwasyun gamit ro peke nga kwarta kun sa siin masako ro tanann sa pagpahaum ag magpamakae makaron nga paskwa ag sa nagahilapit nga bag-ong dag-on.
Ginlaygay nana eabi eon sa mga nagapanag-iya it baealigyaan nga tan-awon it mayad ro kwartang ginabaton agud nga indi mabiktima it pekeng kwarta.
Dugang pa it nasambit nga opisyal nga insigidang i-report sa mga police station engkasong may makita nga makadueudang tawo ukon may daea nga peke nga kwarta nga mabaton agud nga insigidang maaksyunan.
Madumduman nga may sangka negosyante nga nagdangop sa Bombo Radyo Kalibo matapos nga ginhana nga bayaran it pekeng kwarta.
