KALIBO, Aklan—Ginpaabot it Commission on Elections ukon Comelec-Aklan nga pwede eon nga makita it mga aspirante para sa nagahilapit nga eleksyon sa mayo ro mga gintaeana nga numero para kanda.
Raya hay matapos nga pormal eon nga ginpaguwa it Comelec kahapon ro andang ballot face templates.
Suno kay Crispin Raymund Gerardo, tagapaghambae it Comelec-Aklan nga raya ro ginahueat-hueat it mga nag-file it COC para sa igapa-imprinta nga mga tarpaulin ag iba pa nga mga election paraphernalias.
Ro ballot face templates hay pwede sigon nga ma-access sa official website it Comelec nga www.comelec.gov.ph.
Gindugang pa ni Gerardo nga nakapaguwa man sanda it ballot faces sa kada rehiyon sa nasyon.
Ginpahayag pa nga ro national ag local positions hay makita sa front page it balota samtang ro party-list groups hay sa likod.
