KALIBO, Aklan—Patay ro sangka public school teacher matapos nga nagbigti bangud sa depression sa banwa it Ibajay.
Base sa report, nasapwan eon lang ro 27-anyos nga maestra nga nakabitay ag uwa eon it kabuhi.
Una kara, nagsend pa sigon it mensahe ro manugturo sa anang kaparehong maestra nga magapakamatay imaw rason nga insigida nanda nga gin-impormahan ro anang pamilya agud masalbar raya sa anang plano nga pag-utas sa anang kabuhi.
Nagsimba pa sigon imaw antes nga ginhimo ro anang plano sa sueod mismo it eskwelahan kon siin imaw nagatrabaho.
Nakit-an man it Ibajay PNP ro pila ka mga suicide note nga anang gin-obra kamana man pila ka mga mensahe nga plano eon gid kara nga utason ro anang kabuhi.
Ginasugid nga raya eon ro pangaywang kahigayunan nga naghana nga magpakamatay ro nasambit nga maestra.
Samtang kung may problema ka ag gusto mo it kaistorya,puwedi kang tumawag sa:National Center for Mental Health Crisis Hotline (NCMH-USAP) sa 0917-899-USAP (8727) ukon sa 7-989-USAP (8727).
Puwedi man nga magtawag sa Hopeline PH 24/7 hotlines: 0917-558-4673 (Globe), 0918-873-4673 (Smart), 2919 (toll-free for Globe and TM).
